Eskaerak aurkezteko epea:

Eskaerak aurkezteko epea irailaren 4ko 10:30tik urriaren 9ko 13:30ra izango da.

Bizkaiko ETEentzako laguntza eta aholkularitza zerbitzua, BEAZek %100ean finantzatuta, enpresen gaitasunetan, ezagutzan eta barne-talentuan oinarrituta negozio-aukera berriak identifikatzen eta garatzen laguntzeko zerbitzua. Helburua barne-ekintzailetza korporatiboa sustatzea da, berrikuntza bultzatzeko eta erakundeak, barnean, negozio-ekimen berriak aktibatzeko tresna gisa.

Lortu beharreko helburuak:

  • Enpresetan barne-ekintzailetzako aukerak identifikatu, sortu eta sustatzea, hauen lehiakortasuna hobetuz negozio-ereduen berrikuntzaren bidez.

  • Egoeraren eta ingurunearen diagnostikotik abiatuta, enpresa parte-hartzaile bakoitzarentzako negozio-aukerak detektatu, aztertu eta ezaugarritzea.

  • Hautatutako enpresei identifikatutako negozio-eredua garatu eta bere bide-orriaren diseinuan laguntzea.

  • Programan parte hartzean garatu diren gaitasunetan oinarrituta, enpresetan egindako lanaren sistematizazioa ahalbidetzea, etorkizunean antzeko ekimenak errepikatu ahal izateko.

Laguntza ematen dizugu:

  • 1.Fasea. Sentsibilizazioa eta gaitasunen indartzea Aurrez aurreko tailer irekiak, parte hartzen duten enpresen barne-ekintzailetza gaitasunak indartzera bideratuak. Estrategiarekin, berrikuntza irekiarekin, ideia berrien sorrerarekin eta hazkunde aukeren identifikazioarekin lotutako alderdiak landuko dira.

  • 2.Fasea. Aukeren identifikazioa 7 erakundek diagnostiko pertsonalizatua jasoko dute, hazkunde eta dibertsifikazio aukerak identifikatu, aztertu eta lehenestatu, negozio-aukera bat definitu arte.

  • 3.Fasea. Negozio-ereduaren diseinua Aurreko 7 enpresek laguntza espezializatua jasoko dute identifikatutako aukerari lotutako negozio eredua diseinatu, garapenerako eta ezarpenerako bide-orri bat definituz.

1. Faseko Tailerrak

1. Tailerra – Barne-ekintzailetzako baliabideak

Urriaren 14a, 9:30etan, BEAZen, Sabino Arana 8

Zure enpresaren estrategia eta operazio-prozesuak lerrokatuta al daude enpresa barne-ekintzailetza ekimenekin? Nola aprobetxa ditzake zure enpresak bere barne-gaitasunak barne-ekintzailetza bultzatzeko?
Enpresaren estrategia, barne-ekintzailetza prozesuaren abiaraztearekin lerrokatzeari ekingo diogu, bai eta produktu/zerbitzu eta negozio berrien sorrera sistematikoki bultzatzeko baliabideak, gaitasunak eta gobernantza izateari ere.

Tailerraren emaitza: barne-ekintzailetzaren arloan enpresak duen egoeraren diagnostikoa egitea, lehenetsitako erronketarako ekintzak identifikatzea eta enpresan barne-ekintzailetza sustatzea.

2. Tailerra – Aukeren Diagnostikoa

Urriaren 29a, 9:30etan, BEAZen, Sabino Arana 8

Non daude zure enpresarentzat potentzial handiena duten aukerak?
Hazkunde eta dibertsifikazio esparru desberdinak aztertuko ditugu, teknologia berrietan, merkatu-joeretan, bezeroen beharretan, enpresa-sarearen gaitasunetan eta garapen ekonomikorako estrategia publikoetan oinarrituta.

Tailerraren emaitza: zure enpresarentzat aukerarik handiena eskaintzen duten jardun-eremuen ebaluazioa eta lehentasunen ezarpena, identifikatutako aukeren balioztatzea, aztertu edo garatzeko beharrezko ekintzen zehaztapena.

Norentzat?

Zerbitzua Bizkaian egoitza duten ETEei zuzendua dago, gutxienez 5 langile dituztenak eta industria, industriari lotutako zerbitzuak, garraioan edo handizkako merkataritzan jarduten direnak. Hausnarketa-prozesua garatu ahal izateko, konpromiso irmoa, gaitasuna eta beharrezkoak diren baliabideen izendapena egitea ezinbestekoak dira.