BEAZ, S.A.U., 1987an sortua, Foru Sozietate Publiko bat da, kapital sozialaren % 100 Bizkaiko Foru Aldundiaren titulartasunekoa da eta Ekonomi Sustapen Sailari atxikita dago. Bere helburu soziala enpresen lehiakortasuna sustatu eta garatzeko, kalitatezko lanpostuak sortu eta mantentzeko eta, oro har, Bizkaia lurralde berritzaile, sortzaile, dinamiko eta ekintzaile bihurtzeko beharrezkoak diren jarduera guztiak burutzea da, non lehiakortasuna eta gizarte-kohesioa Bizkaiko egungo eta etorkizuneko ongizatearen bermea izan daitezen.
Lurraldean jarduera ekonomiko handiagoa eta hobea sortzea sustatuz, BEAZen harremana indartzen da ekintzaileekin, enpresekin, inbertsio-eragileekin, ezagutza sortzeko zentro eta klusterrekin eta sektoreetako elkarteekin.
2025eko datuak
52
BEAZeko langileak
863
Kudeatutako espedienteak
1046
Lagundutako enpresak
105
Inkubatutako enpresak
Zeregina
BEAZ, hain zuzen ere, Bizkaiko Foru Aldundiaren Ekonomia Sustatzeko Sailaren mende dagoen foru-entitate bat da, eta ekonomia-jarduera hazteko eta Bizkaian kalitatezko enplegua sortzeko egiten du lan, enpresa-ekimen berritzaile berria sustatuz. Horrela, Bizkaian dauden enpresen lehiakortasuna hobetzen laguntzen du, bai eta gaitasun berriak lurraldera erakartzen ere.
Ekintzaileei eta enpresei balio erantsiko eta kapital erlazionaleko zerbitzuen bidez ematen diegu laguntza, eta haien lehiakortasun-palankak garatzeko askotariko tresnak uztartzen ditugu (hazkundea, berrikuntza, nazioartekotzea, digitalizazioa eta jasangarritasuna, funtsean), betiere Bizkaiko ekintzailetzaren eta enpresa-lehiakortasunaren ekosistemako erreferentziazko eragilea izatea lortzeko.
Enpresei eta ekintzaileei laguntzeko asmoz sortu diren Bizkaiko Foru Aldundiaren Ekonomia Sustatzeko Sailaren laguntza-programak definitzen, garatzen eta kudeatzen laguntzen dugu.
Ikuspegia
Bizkaiko ekintzailetzaren eta enpresa-lehiakortasunaren erreferentziazko eragilea izan nahi dugu, Lurraldean enplegu kualifikatua sortuko duten kalitate handiagoko proiektu berritzaile gehiago sortzen, erakartzen, hazten eta kontsolidatzen laguntzeko.
Ikuspegi horrek honako hau hartzen du barnean:
ZER
- Enpresa eta pertsona ekintzaileei laguntzea enpresa-proiektuaren askotariko faseetan, ahalegina jarriz trantsizio hirukoitzaren ondoriozko erronketan.
- Zehaztasunez, efikaziaz eta berrikuntzaz laguntzea BFAri Ekonomia Sustatzeko Sailaren programak eta beste ekimen batzuk sortzeko, garatzeko eta kudeatzeko.
NOLA
- Bizkaiko sektore eta enpresekiko hurbiltasunean eta proaktibitatean haziz haien premiak eta erronkak ezagutzeko.
- BEAZen kapital erlazionala sustatuz berrikuntza irekiaren aldeko apustua egiten jarraitzeko.
- Tokiko, estatuko eta nazioarteko mailan aukerak bilatuz eta eskainiz.
- Lurralde-oreka zainduz, toki-erakundeekin etengabeko lankidetza-zeregina garatuta.
BEAZ-en balioak
- Produktibitatea. Erakunde proaktiboa gara eta etengabe ikasten ari gara Bizkaiko enpresa eta pertsona ekintzaileen premiei aurrea hartzeko.
- Gertutasuna eta entzute aktiboa. Gure zerbitzu-bokazioak motibatu egiten gaitu inguruan ditugun eragile guztiekin hurbilak eta irisgarriak izateko. Entzute aktiboa praktikatzen dugu gure interes-taldeen premiak ulertzeko eta konfiantzan oinarritutako harremana eraikitzeko.
- Bikaintasun teknikoa eta kalitatea. Konpromisoa dugu gure lanean profesionaltasun- eta kalitate-mailarik handienak izateko. Gure ezagutza metatua eta esperientzia teknikoa oinarri dira enpresa eta pertsona ekintzaileei balio paregabea eman ahal izateko.
- Taldeko lana eta lankidetza. Taldean egiten dugu lan eta elkarrekiko errespetuko eta komunikazio irekiko giroa sustatzen dugu, non ahots bakoitza entzuten den eta ekarpen guztiak baloratzen diren. Uste dugu lankidetza eta baterako ahalegina, nola barnean hala kanpoan, funtsezkoak direla gure eragina zabaltzeko eta emaitza hobeak lortzeko.
- Berrikuntza eta malgutasuna. Ulertzen dugu aldaketa etengabea dela, eta bizkor egokitzen gara erronka berrietara, espiritu dinamikoa eta sortzailea baitugu.
- Garapen jasangarria. Garapen jasangarriko eredu baten adibidea izan nahi dugu, hura sustatzeko, ekonomiaren, gizartearen eta ingurumenaren ikuspuntutik.
- Konpromisoa berdintasunarekin. Bizkaiko enpresa eta pertsona guztien aukera-berdintasunarekin konpromisoa dugu, eta genero-ikuspegia, lurralde-oreka eta dibertsitate kulturala hartzen ditugu aintzat.