Balioespenak justu aurreko zerga-ekitaldiari dagozkio, eta, kasu honetan, Sozietateen gaineko Zergari buruzko 11/2013 Foru Arauaren 62. artikulutik 64.era artekoei.

Antolakundetatik bertatik negozio berriak sortzea errazten eta bizkortzen dugu, enpresa ekimen lehiakor eta jasangarri berri gehiago abian jar dadin.   

Kudeatzen dugun sare baten bidez enpresetako aholkulariak eta hazteko gaitasun handiak dituzten startupak harremanetan jar daitezen errazten dugu, proiektu horiek bizkortzeko elkarlanean ari daitezen. 

Bizkaiko Foru Aldundiak Bostoneko Cambridge Innovation Center (CIC), MassChallenge eta Sosa startup-bizkorgailuekin sinatu duen hitzarmenak Bizkaiko ekintzaileak eta startup-ak munduko ekosistemaren parte diren merkatu, sare eta inbertitzaileekin konektatzea ahalbidetuko du.

Ekonomia Sustatzeko Saileko Enpresa Sustapen Zerbitzuak eta Beazek antolatzen dute Sorkuntzarako foru programetan laguntza jaso duten ekintzaileentzako doaneko Prestaekin urteroko trebakuntza-programa.

Enpresen eta ekintzaileen esku jartzen ditugu geure networking guneak eta bilerak egiteko gelak, jakintzaren elkartrukea, ideien sorkuntza eta proiektuen zabalkundea bultzatzeko, beti ere berrikuntza eta sormen-industrien esparruan.

Beazek kalifikazioko txostenak egiten ditu –doanekoak– europar funtsen bidez proiektuen finantziazioa lortzeko

Zuzenean kudeatzen ditugun diru-laguntzen osagarriak direnez informatzen eta aholkatzen dugu, ekintzailetza, berrikuntza eta nazioartekotze proiektuetan finantzaketa handiagoa lortzeko.

Kanpoko ideiek enpresa baten berrikuntza-prozesura dakarten ahalbidea dela-eta, berrikuntza irekiko gero eta ekimen gehiago bultzatzen dira. Beazek hainbat jardueratan parte hartu du eta ezaugarri nagusia jatorri desberdineko zenbait sektoretako antolakundeen arteko lankidetza izan da. Harremanetan oinarritutako berrikuntzaren aurrean gaude.

Hazteko gaitasuna duten proiektuak hautematen ditugu eta kanpoko aholkuetxe baten laguntzarekin bizkortzea errazten dugu.

Enterprise Europe Network-eko euskal nodoko kide legez euskal enpresak nazioartera zabal daitezen laguntzen dugu, enpresa eta teknologia lankidetza sustatuz eta Europako Batasunak finantzatzen dituen I+G programak ahal gehien balia daitezen bultzatuz.

Erantzukizun mugatuko sozietateak (SL) eratzen ditugu telematikoki Dokumentu Elektroniko Bakarraren bidez (DEB), erregistroan inskribatzeko egin behar diren izapide guztiak zerbitzu bakarrean bilduz, aukeratutako notariotzan hitzordua eman eta guzti.

Enpresei laguntza ematen diegu gure komunikazio kanalen bitartez, haien lan eta proiektuak ezagutu eta zabal daitezen laguntzeko.