BARNE-EKIMENA ETA BERRIKUNTZA NEGOZIO-EREDUETAN
Eskaerak aurkezteko epea:
2026/10/29 10:00 – 2026/11/18 13:30
Bizkaiko ETEentzako laguntza eta aholkularitza zerbitzua, BEAZek %100ean finantzatuta, enpresen gaitasunetan, ezagutzan eta barne-talentuan oinarrituta negozio-aukera berriak identifikatzen eta garatzen laguntzeko zerbitzua. Helburua barne-ekintzailetza korporatiboa sustatzea da, berrikuntza bultzatzeko eta erakundeak, barnean, negozio-ekimen berriak aktibatzeko tresna gisa.
Lortu beharreko helburuak:
-
-
Enpresetan barne-ekintzailetzako aukerak identifikatu, sortu eta sustatzea, hauen lehiakortasuna hobetuz negozio-ereduen berrikuntzaren bidez.
-
-
Egoeraren eta ingurunearen diagnostikotik abiatuta, enpresa parte-hartzaile bakoitzarentzako negozio-aukerak detektatu, aztertu eta ezaugarritzea.
-
-
Hautatutako enpresei identifikatutako negozio-eredua garatu eta bere bide-orriaren diseinuan laguntzea.
-
-
Programan parte hartzean garatu diren gaitasunetan oinarrituta, enpresetan egindako lanaren sistematizazioa ahalbidetzea, etorkizunean antzeko ekimenak errepikatu ahal izateko.
Laguntza ematen dizugu:
-
GAUZATZEN 1.Fasea. Sentsibilizazioa eta gaitasunen indartzea Aurrez aurreko tailer irekiak, parte hartzen duten enpresen barne-ekintzailetza gaitasunak indartzera bideratuak. Estrategiarekin, berrikuntza irekiarekin, ideia berrien sorrerarekin eta hazkunde aukeren identifikazioarekin lotutako alderdiak landuko dira.
-
-
EPEA IREKITA 2.Fasea. Aukeren identifikazioa 7 erakundek diagnostiko pertsonalizatua jasoko dute, hazkunde eta dibertsifikazio aukerak identifikatu, aztertu eta lehenestatu, negozio-aukera bat definitu arte.
-
-
EPEA IREKITA 3.Fasea. Negozio-ereduaren diseinua Aurreko 7 enpresek laguntza espezializatua jasoko dute identifikatutako aukerari lotutako negozio eredua diseinatu, garapenerako eta ezarpenerako bide-orri bat definituz.
Interesatuta dauden enpresek 2. eta 3. faseetan parte hartzeko eskaera burutu dezakete. Eskaera burutu ahal izateko ez da beharrezkoa 1.fasean parte hartu izana.
Jasotako eskaeren artean, 7 enpresa aukeratuko dira laguntza pertsonalizatuko prozesu batetan parte hartzeko. Prozesu horretan, hazteko aukera berriak identifikatu eta beren errealitatera egokitutako negozio-eredu berritzaileak diseinatuko dira.
Berrikuntzako eta negozio-ereduetan adituekin garatuko diren saioetan, enpresa bakoitzak bere erronka, gaitasun eta helburuak landuko ditu. Modu praktikoan lan egingo da aukerak identifikatzeko eta horiek garatzeko ibilbide-orri bat definituz.
2. Fasea. Aukeren identifikazioa
Zertan landuko dugu saioetan?
Hazteko eta dibertsifikatzeko benetako aukerak aztertuko ditugu, enpresa bakoitzaren errealitatetik abiatuta. Erakundeen ikuspegia zabaltzeko, merkatu-joerak, aldaketa teknologikoak, merkatuaren behar izan berriak eta barne-gaitasunak aztertuko ditugu. Gaur egungo negozioaren fokutik kanpo egon ohi diren aukera-esparruak bilatuko ditugu.
Laguntza aditua, metodologia kontrastatu baten eta tresna praktikoen bidez, enpresei aukerak identifikatzen, kontrastatzen eta lehenesten lagunduko diegu, bere estrategiarekin hobeto egokitzen diren eta garapen-potentzial handiena duten aukeretan fokua jarriz.
Zer lortuko du zure enpresak?
- Hazteko eta dibertsifikatzeko aukeren ikuspegi zabala.
- Irizpide objektiboekin identifikatu, ebaluatu eta lehenetsitako aukeren multzoa.
- Negozio edo jarduera lerro berri baten garapena egiteko, lehentasuna duen aukera baten hautapena egingo da.
- Etorkizunean aukerak sistematikoki identifikatzen jarraitzeko metodologiak eta tresnak.
3. Fasea. Negozio-ereduaren diseinua
Zertan landuko dugu saioetan?
Potentzial handieneko aukera hautatu ondoren, zehaztu egingo dugu, hortarako merkatura bideratuta dagoen negozio-eredu sendo bat diseinatuko da. Negozio berri bihurtzeko beharrezkoak diren funtsezko elementuak definituko ditugu: balio-proposamena, bezeroen segmentuak, merkatuan sartzeko kanalak, diru-sarrera berriak eta horiek garatzeko beharrezkoak diren baliabideak.
Zer lortuko du zure enpresak?
- Zure enpresaren errealitatera egokituta dagoen negozio-eredu zehatz bat.
- Balio-proposamen argia eta bereizia.
- Balidatu beharreko arrisku eta hipotesi nagusien identifikazioa.
- Ibilbide horri praktiko bat, ekimena abian jartzeko eman beharreko hurrengo urratsekin.
Programak metodologia eta ibilbide egituratuak baditu ere, laguntza enpresa parte-hartzaile bakoitzaren beharretara, abiapuntura eta erronka espezifikoetara egokituko da. Horrek aukera emango du kasu bakoitzean balio handiena sortzen duten alderdietan sakontzeko eta erakundearentzat erritmo egokienean aurrera egiteko.
Norentzat?
Zerbitzua Bizkaian egoitza duten ETEei zuzendua dago, gutxienez 5 langile dituztenak eta industria, industriari lotutako zerbitzuak, garraioan edo handizkako merkataritzan jarduten direnak. Hausnarketa-prozesua garatu ahal izateko, konpromiso irmoa, gaitasuna eta beharrezkoak diren baliabideen izendapena egitea ezinbestekoak dira.
